小城貓事

其實我都唔想再俾負擔我既朋友，我知道耍佢地聽我講完一次又一次既說話會好煩厭，我知道耍佢地成日陪我係好自私，係社會上面大家都已經各有各忙，自己生活上面既事都已經應付得很吃力，再加埋我無時無刻咁搵佢地，實在係好煩。尤其係某幾個我講得最多，最深入既朋友，我最想講既唔係多謝，而係對唔住，其實我知道每一個朋友心裡面都會認為我好執迷不悟，好蠢，好唔值得，老實講，我自己都覺得自己好戇居，不過我真係唔知道點樣去唔再愛佢。

 

有陣時，好多小事發生左，原來我既感情係好複雜既，但係除左唔開心，我搵唔到更細緻既形容詞去話俾你地聽我有幾難受。有時，你地唔得閒理我，我會嬲你地，當然我唔係真係嬲，但係係呢個時候，我比以前更加害怕孤獨。我選擇唔話俾咁多人知，因為我唔想俾人覺得我好冇用，唔想俾人當連續劇咁追，呢一刻，邊個人係真正關心你，我已經冇信心去分辨，慶幸，有幾位朋友我係感覺到你地真係關心我既。多謝你地。

 

今日聽到個同事同另一個同事高談闊論人家既慘情事，忽然有種好涼薄既感覺，係，可能幾年後慘果個人都會覺得自己以前好戇居，為左咁既事傷心左咁耐，但係係呢一個時空，縱使旁人既眼光睇得清清楚楚，咁又代表咩？幾年後你醒覺了，但係之前執迷不悟給你帶來既傷痛可以當冇發生過咩？可以代表依家既難受同埋委屈係虛幻咩？連睡覺做夢都是你和那個賤人的身影，我想要停止我的思念，最快捷的方法是停止大腦的活動吧。

 

想起了光良《約定》的MV：「心是可以很堅強的。」但是原來世界上最值得歌頌既事物 - 愛，都可以係一瞬間變質，那麼這句說話的前設就是：「彼此相愛，心才會是堅強的。」要不然，一個默默等待一個唔愛自己既人既男人，只會係一張公園裡既長椅:

 

有一次，一個男人充滿傷感地對一個女人說：「在你眼中，我只是公園的一張長椅而已，你偶爾在我面前經過，有時候你目不斜視地走了過去，有時候你累，在長椅上稍坐一會，然後起身離去。我一直在默默等候你，而你永遠不可能記得公園的一張椅子……」

 

那個男人從十八歲開始便愛上了她，他把青春期所有的夢想和激情都送給了她，從此再也沒法愛上別的女人。可是，她從來沒有愛過他，時日愈久，他們相距愈益遙遠，他明白，他永遠沒有辦法令她愛上他，她成為他心中永遠的夢想。

 

愛情最弔詭的地方在於它絕不公平，也不理性，有些人會固執地堅守一份不可能的感情，像公園那張年代久遠的長椅，默默守候，也許，她永遠不再去那個公園，終有一天，它漆油剝落，四肢朽敗，再也承受不起任何人的重量。

 

旁人看起來，這個男人戇居得很，可是誰有資格說一個真心愛人的人是大笨蛋？在勢利的社會，當愛情越來越像遊戲，當愛唔再係真愛，大笨蛋也就買少見少，也越來越卑賤。