有很多朋友講俾我聽既說話我好想俾你知道，傷口深得見骨既我，已經冇勇氣去面對個結果，但係無論人地點樣講，呢一刻，我選擇既依然係等你。如果你有機會見到呢一篇記事，希望有些說話可以給你思考自己應該走怎樣的路。
「連認真係埋一齊時既承諾都可以背棄，你仲期望佢依家應承你既會兌現？」
「係呢個世界上，可能有好多人你都會對佢地有好感，甚至心動，但係當你搵到一個真心喜歡既人，就唔應該再三心兩意，人係有意志架嘛，可以控制自己架嘛，點可能個個都鐘意？」
「佢受人地傷害，你會心痛，不過，你有冇諗過，其實佢咪一樣做緊同樣既事，更殘忍咁去傷害緊你？」
「佢唔想輸？可以係你面前講得出呢句，我覺得佢完全冇尊重到你。」
「真係好愛好愛一個人，根本就唔會再有空間去放另一個人落自己心裡面。」
「你依家做咩都冇用，講咩佢都唔會聽，你只有希望佢有一日一覺起身，會忽然醒覺自己做緊既野有幾荒唐，同埋終於明白最應該珍惜既人係邊個，希望到時唔會太遲啦。」
「原來，全世界所有用疲倦、忙作為原因推搪既說話，都唔係真心話，只係唔想理你既一個藉口黎姐。」
「一個女仔拍左拖仲同男仔玩識男仔係好正常，有人追都唔出奇，有時更加會有心動既感覺添。不過既然身邊已經有一個揀左既，就應該知道點樣控制自己，識得係邊個階段要停止同埋玩夠，唔係好似依家咁過晒火仲要繼續，傷害身邊既人。」
「有邊個女仔唔想同時有兩個人鐘意丫，你唔好咁傻啦！」
「一個星期有五日去左陪另一個人，同另一個人一齊既時候唔會搵你，究竟邊個先係佢男友呀依家？」
「女仔好容易俾D PLAYBOY吸引，可能佢地覺得成功令一個PLAYBOY淨係鐘意自己，對自己一心一意係好叻既事，覺得一個PLAYBOY肯為自己付出，好感動，所以好多女仔都有征服既心態，但係每次去到最後佢地先發現一開始為左呢個人做咁多根本就係完全冇用，被騙的只係自己。如果我係佢，搵到真愛之後我死都唔會為左呢種心態而放棄幸福，好蠢。」
「係咪每一個女仔都會恃著自己年輕，認為自己仲有大把選擇，所以根本唔識珍惜？」
「女仔同男仔唔同，好怕自己揀錯一生一世既人，所以佢地未必會咁早安定落黎，不過有陣時，偏偏搵到喇，又嘗試親手將佢永遠踢走......」
「我覺得愛情並唔係一件咁大件事，值得你變成依家咁樣，因為呢個世界仲有你既朋友同埋親人會對你好。」
「點樣為一個人都好，等一個人都好，唔可能無止境咁等囉，一定要設一個時限俾自己！」
「你唔好咁啦，唔好咁容易因為其他人講既一句說話而搞到自己大起大落至得架！每個人都有自己既意見、經驗、性格，但係你永遠唔知道佢諗咩，未來會係點，如果你覺得你依家為佢做既係你想做既，就唔好理咁多，唔係要你唔聽人地講，只係好多野太上心你會好痛苦。」
「一開始以為自己係玩玩下，點知到頭來泥足深陷，自己受傷更加深深咁傷害人地，係唔值得你可憐佢同埋咁錫佢架！」
「一個女人變心，一定係因為係你身上面有D佢要既野搵唔到，於是咪係其他人身上面搵囉，所有好既野你身上都有，佢咪去搵一個會令佢傷心既人，一個壞人，去談一場苦戀囉，真係好荒謬！」
「我地講既說話你知，或者佢自己都知，不過既然知道都仲係咁對你，點解你仲要對佢咁好？」
「你試下唔去抱任何希望，咁當失去時唔會咁唔開心，但係得到既時候會更加更加開心。」
「掛住一個人，會同果個人講未來幾日都唔會搵佢既咩？我真係第一次聽到。真係想見一個人，係幾辛苦都想見到佢既。」
「需要另一個人對自己愛鍚同埋關心，根本就係人既BASIC NEED，何況係呢個時候？你為佢做左咁多，你要求佢關心同埋錫你唔係自私，係因為你放唔低佢，仲係太愛佢先會咁，佢好應該明白你呢一份心情既！所以我唔明白如果佢真係仲愛你，珍惜你，點解又咁樣對你？」
「依家應該係由佢去珍惜你多D，而唔應該係你繼續為佢做咁多野，對佢咁好。」
「佢應該要明白，人係需要做決定既，如果唔係專注係一個人身上，到頭來只會兩個都失去。」
「我希望你就算輸到最後，都唔好連自己既尊嚴都輸埋。」
我其實明白呢個時候無論我講幾多野都好，你都未必聽得入耳，其實我每日都有思考我應該點做，我係咪應該嘗試放手。不過如果我嘗試咁做，即係去淡化自己對你既感情，我唔願意咁做，我寧願去辛苦，去痛，等我知道自己仲係可以好似以前一樣咁對你。我等你，唔係因為我唔甘心，而係我真係依然好天真咁相信，我地可以變返以前一樣咁幸福。我一次又一次退讓，並唔係因為我唔想爭，扮可憐，做弱者，只係，我希望用容忍既底線黎交換你明白真正既幸福係邊個身上，返去我身邊，可惜到依家為止，換返黎既，全部都係傷害。
受害既朋友，多謝你地，我唔係唔願意聽你地既勸告，只係，如果要去搞到自己體無完膚先會心死，我仍然會堅持到最後，希望你地都會祝福我。
「連認真係埋一齊時既承諾都可以背棄，你仲期望佢依家應承你既會兌現？」
「係呢個世界上，可能有好多人你都會對佢地有好感，甚至心動，但係當你搵到一個真心喜歡既人，就唔應該再三心兩意，人係有意志架嘛，可以控制自己架嘛，點可能個個都鐘意？」
「佢受人地傷害，你會心痛，不過，你有冇諗過，其實佢咪一樣做緊同樣既事，更殘忍咁去傷害緊你？」
「佢唔想輸？可以係你面前講得出呢句，我覺得佢完全冇尊重到你。」
「真係好愛好愛一個人，根本就唔會再有空間去放另一個人落自己心裡面。」
「你依家做咩都冇用，講咩佢都唔會聽，你只有希望佢有一日一覺起身，會忽然醒覺自己做緊既野有幾荒唐，同埋終於明白最應該珍惜既人係邊個，希望到時唔會太遲啦。」
「原來，全世界所有用疲倦、忙作為原因推搪既說話，都唔係真心話，只係唔想理你既一個藉口黎姐。」
「一個女仔拍左拖仲同男仔玩識男仔係好正常，有人追都唔出奇，有時更加會有心動既感覺添。不過既然身邊已經有一個揀左既，就應該知道點樣控制自己，識得係邊個階段要停止同埋玩夠，唔係好似依家咁過晒火仲要繼續，傷害身邊既人。」
「有邊個女仔唔想同時有兩個人鐘意丫，你唔好咁傻啦！」
「一個星期有五日去左陪另一個人，同另一個人一齊既時候唔會搵你，究竟邊個先係佢男友呀依家？」
「女仔好容易俾D PLAYBOY吸引，可能佢地覺得成功令一個PLAYBOY淨係鐘意自己，對自己一心一意係好叻既事，覺得一個PLAYBOY肯為自己付出，好感動，所以好多女仔都有征服既心態，但係每次去到最後佢地先發現一開始為左呢個人做咁多根本就係完全冇用，被騙的只係自己。如果我係佢，搵到真愛之後我死都唔會為左呢種心態而放棄幸福，好蠢。」
「係咪每一個女仔都會恃著自己年輕，認為自己仲有大把選擇，所以根本唔識珍惜？」
「女仔同男仔唔同，好怕自己揀錯一生一世既人，所以佢地未必會咁早安定落黎，不過有陣時，偏偏搵到喇，又嘗試親手將佢永遠踢走......」
「我覺得愛情並唔係一件咁大件事，值得你變成依家咁樣，因為呢個世界仲有你既朋友同埋親人會對你好。」
「連佢屋企都上埋，咁都唔叫肆無忌憚？」
「掉返轉佢願唔願意忍受你呃佢丫？見到佢為另一個人咁傷心，你唔覺得心酸咩？點解一個人可以自私到佢咁樣架？」
「點樣為一個人都好，等一個人都好，唔可能無止境咁等囉，一定要設一個時限俾自己！」
「你唔好咁啦，唔好咁容易因為其他人講既一句說話而搞到自己大起大落至得架！每個人都有自己既意見、經驗、性格，但係你永遠唔知道佢諗咩，未來會係點，如果你覺得你依家為佢做既係你想做既，就唔好理咁多，唔係要你唔聽人地講，只係好多野太上心你會好痛苦。」
「一開始以為自己係玩玩下，點知到頭來泥足深陷，自己受傷更加深深咁傷害人地，係唔值得你可憐佢同埋咁錫佢架！」
「一個女人變心，一定係因為係你身上面有D佢要既野搵唔到，於是咪係其他人身上面搵囉，所有好既野你身上都有，佢咪去搵一個會令佢傷心既人，一個壞人，去談一場苦戀囉，真係好荒謬！」
「我地講既說話你知，或者佢自己都知，不過既然知道都仲係咁對你，點解你仲要對佢咁好？」
「你試下唔去抱任何希望，咁當失去時唔會咁唔開心，但係得到既時候會更加更加開心。」
「掛住一個人，會同果個人講未來幾日都唔會搵佢既咩？我真係第一次聽到。真係想見一個人，係幾辛苦都想見到佢既。」
「需要另一個人對自己愛鍚同埋關心，根本就係人既BASIC NEED，何況係呢個時候？你為佢做左咁多，你要求佢關心同埋錫你唔係自私，係因為你放唔低佢，仲係太愛佢先會咁，佢好應該明白你呢一份心情既！所以我唔明白如果佢真係仲愛你，珍惜你，點解又咁樣對你？」
「依家應該係由佢去珍惜你多D，而唔應該係你繼續為佢做咁多野，對佢咁好。」
「佢應該要明白，人係需要做決定既，如果唔係專注係一個人身上，到頭來只會兩個都失去。」
「我希望你就算輸到最後，都唔好連自己既尊嚴都輸埋。」
我其實明白呢個時候無論我講幾多野都好，你都未必聽得入耳，其實我每日都有思考我應該點做，我係咪應該嘗試放手。不過如果我嘗試咁做，即係去淡化自己對你既感情，我唔願意咁做，我寧願去辛苦，去痛，等我知道自己仲係可以好似以前一樣咁對你。我等你，唔係因為我唔甘心，而係我真係依然好天真咁相信，我地可以變返以前一樣咁幸福。我一次又一次退讓，並唔係因為我唔想爭，扮可憐，做弱者，只係，我希望用容忍既底線黎交換你明白真正既幸福係邊個身上，返去我身邊，可惜到依家為止，換返黎既，全部都係傷害。
受害既朋友，多謝你地，我唔係唔願意聽你地既勸告，只係，如果要去搞到自己體無完膚先會心死，我仍然會堅持到最後，希望你地都會祝福我。
日本．WH (1)