小城貓事

正如我前文所說，根本沒有人嘗試真正去了解老人家的內心世界，仔女顧住搵食，返到屋企都冇真正關心過自己年長既父母，講真，說老人家因為貪心和無聊而去輪米根本就好無稽，生活有困難既為了生活不得不輪，生活無憂既，真係點會同你地顛丫。香港人有時候就係睇野睇得太表面，冇錯，佢地雖然係唔守秩序，但係總不能將責任都往佢地身上推。

多謝小甘提出老人家對於「自身認同」既論點，事實上長者容易覺得自己一把年紀，無工作能力，是家庭和子女的負擔，更甚者更加會覺得自己正在等死。因此佢地千方百計想証明俾社會睇，俾家人睇自己係仲有能力既，輪米，其中一個表現。要讓老人家覺得自己有用，首先就係唔好俾佢地鑽牛角尖，老套少少都係要多點關心他們，平日讓他們多點擔任一些家務上工作，讓他們能夠有所寄託，不會認為自己是廢人一個。當然如果長者願意，也應該多鼓勵他們參與社區活動，擔任一些義務工作等，使他們的生活更充實。

政府其實是應該被大加鞭撻的，我平日見很多公公婆婆在街上擺賣，很多都是無牌的，要躲避小販隊。為什麼他們很多都是無牌的呢？因為政府的發牌制度並沒有因應長者而作出任何彈性，因此要順利取得一個小販牌對長者來說並不輕易。金鷹伯伯的故事至今我還記得，政府是多麼的冷血，其實香港之所以能有今日之繁榮，實有賴這些公公婆婆年青時的打拼，現在他們希望自食其力不靠綜援，難道不應該鼓勵嗎？所以我說這個政府太冷血，官員庸碌無能，只顧掃盪公公婆婆的小販檔，捉他們亂過馬路，亂拋垃圾，對街頭行乞的長者卻視若無睹，不加關心和支援。這是一個怎麼樣的政府？

但有一點，雖然我認同派米對長者的意義，但是我始終認為，一日不找出安全的解決方法，活動一日也不應該繼續舉行，因為，真的不願意再看到公公婆婆因為輪米而再發生危險了。