小城貓事

今年將會是城大學生會自十五屆後第一次「撼莊」，選戰氣氛在校園內炒得熱烘烘。候選內閣分別是：一號一鳴；二號維城。

 

簡單輾述一下我道聽途說的情況：大選報名前夕，異軍突起，吸納了原來新莊的不少成員後，三日內成功起莊，組成一鳴。而維城則由原來新莊湊合其他人而成，我相信對於不少人來說，這樣的局勢發展實在出人意表，更加不可思議的是他們都各自能夠在兩日內湊齊人數報名，不禁懷疑，城大上學生會的風氣什麼時候變得如此熾熱呢？當然，作為老鬼樂見此情此景，因為這樣的大選更加能夠令同學關注，同時，脫穎而出的勝方將會更加珍惜這個上莊機會，透過選戰中的互相比較，令他們在上莊前的準備更加充足。處於主動形勢的一鳴看上去形勢較好，不過維城雖然在最後關頭被「撬起」，但能夠在剩下極少時間內可以重整旗鼓，值得一讚，儘管對士氣打擊非常沉重，但反過來運用的話，也是激勵士氣的強烈催化劑，所以現時論誰勝誰負實在言之尚早。

 

本來對於大局其實沒有影響力的我，回去也是徒勞，不過對於今年新莊，抱有寄望的我想盡一點綿力，可能那些久違了的熱血又在蠢動，可能我覺得做學生會比現在工作有趣得多。昨晚替莊員琪慶生後，本來打算去替維城「補課」，因為星期二的時候和學聯一班老死慶祝Ｍ小姐畢業，所以取消原定返城大找他們的行程。不過當我致電莊員Ｐ後卻換來一肚子氣，以下說話純粹發洩：　我其實沒有義務返去教莊，因為我鍾意學生會先會主動想幫手。講真，個個老鬼都有自己一套見解，都可以依照自己既睇法話俾新莊知內副需要做乜野，多我一個唔多，我返左去狗吹一輪佢地又唔會即刻勝算高左，而且就算要搵，也有比我更有資格既老鬼內副，簡而言之我既行為可以歸類為多餘加犯賤。我唔認為老鬼要擺架子，一副高高在上既模樣，正如你所講我既強項或者就係我既親和力，但係至少，我唔覺得我係花自己時間去教新莊之外，仲要不請自來厚住面皮咁出現。依家既然我主動接觸你地都話怪怪地，又話星期二唔黎依家先黎有少少奇怪，又話佢地玩緊唔係傾莊既氣氛，咁好丫，你自己努力湊呢支新莊喇，我知道你唔係有心拒諸我於門外，但係「同學仔都會嬲架」，我未至於不知進退。「CON首」果日我會返黎趁熱鬧，之前如果你地唔搵我我亦唔會再多管閒事喇！

 

發洩完畢。