終於搵到平車位喇，仲要係我屋企附近，不過朋友就嫌遠，怕自己懶十年都唔會過黎用車一次喎，所以到依家都仲考慮緊，其實我覺得出旺角同入我屋企既時間真係相差無幾咋。因為個車位平，所以亦都萌生我自己出車既念頭，我仲同朋友講話大不了我出左先，只不過，我流動資金唔夠啦，岩岩仲俾朋友提醒如果買舊車要年年驗車添，唉，唔想放棄呢個計劃呀。
尋日假期出左去車場睇車，老實講係失望啦，二手車動不動都成十萬，平既款又唔得，而且有好多亦唔太新淨，如果有朋友放車又岩我心水既你話幾好呢。
國慶假期轉眼又過，其實只係多左一日咁大把，厭惡工作既情緒完全得唔到消解，多謝醫生伉儷陪左我大暴走兩日，希望唔會阻住你地拍拖啦。
錢到用時方恨少，係我搵愛車既呢幾日又再一次體驗到呢個道理係有幾咁精準。
請先 登入 以發表留言。